Watoto na Vijana
Katika YouTube tunaelewa kuwa watoto wanataka kugundua, vijana wanataka kujitegemea na wazazi wanataka kuwalinda. Ndiyo maana tumekuwa tukiunda bidhaa kwa zaidi ya muongo mmoja zinazomfaa kila mwanafamilia.
ruka hadi kwenye sehemu
Watoto na Vijana
Tuna rekodi ya muda mrefu ya kuendelea kutoa na kuvumbua bidhaa, zana na huduma ili kutimiza mahitaji ya kipekee ya ukuaji wa watoto na vijana na kila kitu tunachofanya kinasimamiwa na kanuni tano za kuwalinda vijana, ambazo ni za msingi katika shughuli za YouTube za kuhakikisha mazingira salama na bora zaidi kwa vijana.
Wazazi wanaamini YouTube kuwawezesha kupata hali zinazofaa kwa familia zao na tunachukulia wajibu huo kwa uzito kwa kuzingatia maudhui, vidhibiti na kutoa hali inayofaa kwa kila umri. Hivi karibuni, tutaanzisha hali ya utumiaji iliyosasishwa ya kujisajili inayowaruhusu wazazi wafungue akaunti mpya ya mtoto inayosimamiwa na kubadilisha kwa urahisi kati ya akaunti kwenye programu ya simu kulingana na anayetazama kwa kugusa mara chache tu.
YouTube Kids ni programu tofauti iliyobuniwa kikamilifu ili itumiwe na watoto wenye umri usiozidi miaka 12 kwa urahisi. Ina zana za wazazi na walezi za kuwaongoza watoto wanapoitumia.
Inajumuisha vipengele vinne vya utazamaji vinavyowaruhusu wazazi kuamua maudhui watakayoruhusu yafikiwe na watoto wao. Ili kuwa na udhibiti kamili, wazazi wanaweza kuidhinisha maudhui wenyewe — au wanaweza kuchagua kati ya aina ambazo zinaangazia maudhui yanayofaa upeo mahususi wa umri.
Kando na mipangilio ya maudhui, wazazi na walezi wanaweza pia:
Matumizi yetu yanayosimamiwa ya vijana wadogo (watoto walio na umri wa chini ya miaka 13 au umri unaoruhusiwa katika nchi/eneo waliko) yameundwa kwa wazazi wanaoamua kuwa mtoto wao yuko tayari kutazama maudhui mbalimbali kwenye programu kuu ya YouTube, lakini bado wanataka kusimamia matumizi yake.
Huwa yanatoa mipangilio mitatu ya maudhui inayokidhi miundo tofauti ya ulezi na tofauti za binafsi katika ukuaji wa watoto. Kila mpangilio unawezesha ufikiaji wa kiwango kikubwa zaidi wa maudhui kwenye YouTube. Pia yanatoa:
Vidhibiti vya ziada vya wazazi (k.m. kuzima uchezaji wa kiotomatiki na kukagua, kusitisha na kufuta historia ya video walizotazama)
Kuzima vipengele ambavyo kwa kawaida hupatikana kwenye programu kuu ya YouTube (k.m. upakiaji, kuandika maoni, gumzo la moja kwa moja, mtiririko mubashara, n.k.)
Hali yetu ya matumizi yanayosimamiwa ya hiari kwa vijana (wenye umri wa miaka 13 hadi 17 katika nchi na maeneo mengi) inaruhusu wazazi na vijana kuunganisha akaunti kwa hiari ili kuwasaidia wazazi kupata maarifa kuhusu video ambazo vijana wao hutayarisha na maoni wanayochapisha, kuanzisha mazungumzo kati ya wazazi na vijana na kutoa fursa za kujifunza kwa wakati unaofaa kuhusu jinsi ya kutayarisha maudhui kwa njia salama kwenye YouTube.
Pia tumeweka vipengele vya kulinda ili kuhakikisha kuwa maudhui ya watu wazima hayatazamwi na watumiaji wadogo zaidi. Kwa hivyo ingawa wakati mwingine maudhui kwenye YouTube hayakiuki Mwongozo wa Jumuiya, huenda yasifae kwa watazamaji walio na umri usiozidi miaka 18. Katika hali hizi, tunaweka mipaka ya umri kwenye video. Mipaka hii hutumika kwenye video, maelezo ya video, vijipicha maalum, mitiririko mubashara na bidhaa au vipengele vingine vyovyote vya YouTube.
Tuna baadhi ya mbinu thabiti za kuwalinda watumiaji wetu wachanga dhidi ya maudhui hatari. Mbinu hizi zinasimamiwa na sera zinazopatikana hapa.
YouTube hairuhusu maudhui yanayolenga watoto wadogo na familia lakini yana mada za ngono, vurugu, lugha chafu au mada nyingine za watu wazima ambazo hazifai hadhira za watoto.
Kanuni za ubora za maudhui ya watoto na kanuni za ubora za maudhui ya vijana za YouTube, zilizobuniwa kwa ushirikiano na wataalamu wa ukuaji wa watoto, zinaeleza aina ya maudhui yanayochukuliwa kuwa ya ubora wa chini na wa juu kwa hadhira ya vijana. Kanuni hizi zinatokana na utafiti wa kina na zinaarifu mfumo wetu wa mapendekezo, hali inayoturuhusu kuangazia video za ubora wa juu. Pia tuna mwongozo wa kuelimisha jumuiya yetu ya watayarishi duniani kuhusu jukumu lao la kusaidia vijana kwenye YouTube.
Tunasasisha mara kwa mara hali ya utumiaji ya bidhaa na sera zetu za familia kwa kushauriana na wataalamu wa maudhui ya watoto, ukuaji wa watoto, mafunzo ya kidijitali na uraia kutoka katika nyanja mbalimbali za taaluma, mashirika yasiyolenga faida na ya kitabibu. Kamati hii ya Ushauri ya Vijana na Familia ni mkusanyiko wa wataalamu wanaojitegemea wanaoshauri kuhusu bidhaa, sera na huduma tunazotoa kwa vijana na familia.
Katika zama hizi za matumizi makubwa ya dijitali, vijana wanakumbana na changamoto za kipekee katika kudumisha na kutunza ustawi pamoja na afya yao ya akili. Tunafahamu kuwa vijana ni watumiaji wakuu wa dijitali huku intaneti ikiwa sehemu ya maisha yao ya kila siku. Tungependa kuwasaidia kukabiliana na hali mpya na mashinikizo yanayotokana na kuvinjari mtandaoni.
Kamati yetu ya Ushauri ya Vijana na Familia inaendelea kutusaidia kuelewa mahitaji ya kipekee na changamano ya ukuaji wa vijana ili kuhakikisha kuwa tunatoa bidhaa na zana zinazofaa ili kuwasaidia kuvinjari na kufurahia maudhui mbalimbali wanayoweza kufikia — huku tukiupa kipaumbele ustawi wao.
Vikumbusho vya “Pumzika Kidogo” na “Wakati wa Kulala” huonekana kama matangazo yanayochukua skrini nzima na huwashwa kwa chaguomsingi katika vifaa vya vijana. Hivi karibuni wazazi wataweza kubadilisha wapendavyo vikumbusho hivi katika akaunti za watoto na vijana wanazosimamia. Tangu vikumbusho hivi chaguomsingi vizinduliwe, vimetumika kama zana za nidhamu dijitali zinazoongoza kwenye sekta ambazo zimewasaidia watumiaji kuelewa na kudhibiti vyema muda wao wa kutumia vifaa.
Pia, vidhibiti vyetu vya wazazi sasa vinawapa wazazi uwezo wa kuweka kikomo cha muda ambao watoto au vijana wao hutumia kuvinjari kwenye mipasho ya Video Fupi. Na hivi karibuni, wazazi watakuwa na chaguo la kuweka kipima muda kiwe sifuri.
Kwa chaguomsingi, video wanazopakia vijana huwekwa katika mipangilio ya faragha zaidi inayopatikana ili kuwasaidia kufanya uamuzi sahihi kuhusu shughuli za mtandaoni zinazoweza kufuatiliwa na faragha ya taarifa zao dijitali.
Kwa kushirikiana na Kamati yetu ya Ushauri ya Vijana na Familia, tumebuni vipengele vya kulinda kwenye mpangilio wa video wa vijana kwa kutambua aina za video ambazo zinapaswa kutazamwa mara moja au mara chache, lakini zinaweza kusababisha matatizo kwa baadhi ya vijana iwapo watazitazama kwa kurudia. Kisha tumebuni njia za kutawanya utazamaji wa video hizo kwa vijana kote duniani ili kuzuia kutazama kwa kurudia. Hii ni pamoja na mada zinazojumuisha ulinganishaji wa mwili, ushauri wa kifedha usio halisi au uchokozi wa kijamii.
Vidirisha vya nyenzo za dharura huonekana watazamaji wanapotafuta hoja fulani zinazohusiana na kujiua, kujijeruhi au matatizo ya ulaji. Ukurasa kamili huwaruhusu watazamaji kuona kwa uwazi nyenzo za simu za moja kwa moja za dharura za wengine.
