AI
Tangu mwanzoni, YouTube imewaruhusu mamilioni ya watayarishi kueleza simulizi zao, kuunganishwa na hadhira kote duniani na kukuza biashara zinazofanikiwa. Tunafurahia fursa ya AI kutoa mifumo mipya ya ubunifu na kurahisisha zaidi utayarishaji wa kila siku.
Wakati tunategemea uwezo wa AI, pia tungependa kuhakikisha tunatumia mbinu sahihi za ulinzi.
ruka hadi kwenye sehemu
AI
Mamilioni ya watayarishi wamekuza biashara endelevu kwenye YouTube tangu mfumo ulipobadilisha utayarishaji wa video kwa watu kote duniani. Hali hii inamaanisha nini kwa uchumi wa watayarishi uliostawi kutokana na mabadiliko haya?
Zana mpya zinazotumia AI zinarahisisha na kuboresha zaidi utayarishaji wa maudhui, kwa hivyo watayarishi wanaweza kutenga muda zaidi kwenye sehemu za mchakato ambazo wangependa kuangazia — na zana hizi zitaendelea kubadilika katika miezi na miaka ijayo.
ya watayarishi tayari wanatumia zana za AI Zalishi
Lengo letu ni kuwezesha ubunifu wa wanadamu, si kuchukua nafasi yake. AI ni mabadiliko yajayo ya ubunifu na tunafurahi jinsi itakavyowasaidia watazamaji kutumia YouTube katika njia mpya.
Tayari inawaruhusu watayarishi kuvumbua kwenye miundo na kutayarisha maudhui mapya yanayofaa na tunaangazia kutoa vipengele muhimu na fursa kwa jumuiya kote duniani.
ya watayarishi wanaotumia AI Zalishi kwa sasa, wanaitumia ili kusaidia ubunifu
Wakati tunategemea uwezo wa AI, tungependa kuhakikisha kuwa tunatumia mbinu sahihi za ulinzi. Sera na bidhaa zetu zinalenga kulinda na kuwezesha watayarishi wa maudhui katika enzi ya AI na kudumisha usalama wa jumuiya ya YouTube.
Kama kawaida, Mwongozo wetu wa Jumuiya hufafanua kanuni za kufuatwa na maudhui yote — ikiwa ni pamoja na maudhui yaliyotayarishwa kwa AI — kwenye YouTube. Pia tuna sera mahususi zinazoelekeza jinsi tunavyoshughulikia maudhui yaliyotayarishwa kwa AI, ikiwa ni pamoja na masharti ya ufumbuzi na ya uwekaji lebo.
Ili kusaidia kuwafahamisha watazamaji kuhusu maudhui wanayotazama, tunawahitaji watayarishi wafumbue ikiwa AI ilitumika kuhariri au kutayarisha maudhui halisi kwenye video zao. Lebo za maudhui ya AI yaliyobadilishwa kwa njia sanisi au kwa uhalisia zinaweza kuonekana kwenye kicheza video ya Video Fupi au moja kwa moja chini ya video ndefu. Kwa aina nyingine za maudhui ya AI, lebo itaonekana kwenye maelezo ya video (k.m., mabadiliko madogo kama vile madoido ya urembo, wahusika waliohuishwa, n.k.). Ikiwa mtayarishi hatabainisha kuwa alitumia AI, lakini mifumo yetu itambue, tunaweza kuweka lebo kiotomatiki. Watayarishi wanaweza kudhibiti lebo hizi kwenye Studio ya YouTube, lakini hawawezi kuziondoa ikiwa kuna uwezekano mkubwa kuwa maudhui hayo yalitayarishwa kwa AI.
Tumesasisha pia viwango vyetu vya faragha vinavyoruhusu kuomba kuondolewa kwa maudhui yaliyotayarishwa kwa AI au maudhui mengine sanisi au yaliyobadilishwa ambayo yanaiga mtu anayeweza kutambulika, ikiwa ni pamoja na uso au sauti yake kwa kutumia mchakato wetu wa ombi la faragha. Si maudhui yote yatakayoondolewa kwenye YouTube na tunazingatia vigezo mbalimbali tunapotathmini maombi haya. Hii inaweza kujumuisha iwapo maudhui ni ya tashtiti au bezo, iwapo mtu anayetuma ombi anaweza kutambuliwa kimahususi au iwapo yanamwangazia kiongozi katika serikali au mtu maarufu, hali ambayo huenda ikahitaji kutimiza vigezo madhubuti zaidi.
ya watayarishi wangependa mwongozo wa kuchapisha maudhui ya AI zalishi katika mitandao ya kijamii na mifumo ya video kwa kuwajibika
YouTube daima imekuwa ikitumia mchanganyiko wa watu na teknolojia za mashine kujifunza ili kutekeleza Mwongozo wetu wa Jumuiya. Katika mifumo yetu, viainishi vya AI husaidia kutambua maudhui ambayo huenda yanakiuka mwongozo kwa kiwango kikubwa na wahakiki hufanya kazi ili kuthibitisha iwapo maudhui yamekiuka sera. AI inaendelea kuongeza kasi na usahihi wa mifumo yetu ya udhibiti wa maudhui.
Tunashirikiana pia na kampuni nyingine kwenye sekta za teknolojia na vyombo vya habari ili kubainisha wajibu na viwango vinavyosaidia uwajibikaji mpana unaohusiana na AI Zalishi, ikiwa ni pamoja na Maafikiano ya Technolojia kuhusu Maudhui Danganyifu ya Uchaguzi ya AI na C2PA .
Hapa YouTube, tumejitolea ili kuhakikisha kuwa watayarishi na washirika wetu wanafanikiwa katika mazingira haya yanayobadilika. Hii inahitaji kuwapa zana wanazohitaji ili kutumia uwezo wa ubunifu wa AI huku wakiendelea kudhibiti jinsi mfanano wao, ikiwa ni pamoja na uso na sauti, unavyowakilishwa.
Ili kufikia lengo hili, tumebuni teknolojia ya usimamizi wa mfanano, ikiwa ni pamoja na teknolojia mpya ya kutambua uimbaji sanisi kwenye Content ID ambayo itawasaidia washirika kutambua na kudhibiti kiotomatiki maudhui yaliyotayarishwa kwa AI katika YouTube yanayoiga sauti zao za kuimba.
Utambuzi wa mfanano
ni zana ya kwanza ya aina yake katika sekta ambayo hufanya
kazi sawa na Content ID, lakini kwa mfanano. Hutafuta
mfanano wa mshiriki katika maudhui yaliyotayarishwa kwa AI
na iwapo uwezekano wa kufanana utapatikana—kama vile uso
wake bandia—mtu huyo anaweza kukagua maudhui na kuomba
yaondolewe iwapo yanakiuka
mwongozo wetu wa faragha.
Kama kawaida, tutaendelea kufanya mabadiliko na kujiboresha
ili kuhakikisha kuwa tunasawazisha manufaa makubwa ya
teknolojia hii na kudumisha usalama wa jumuiya yetu katika
wakati huu muhimu.
