Uchumi wa Watayarishi
Kuwagawia watayarishi, wasanii na kampuni za vyombo vya habari mapato zaidi kunamaanisha kuwa asasi nyingine zinaweza kugawiwa zaidi. Angalia jinsi mfumo wetu wa ugavi wa mapato umewezesha mfumo unaostawi wa zaidi ya watu milioni tatu wanaochuma mapato kupitia YouTube.
ruka hadi kwenye sehemu
Uchumi wa Watayarishi
Mnamo 2007, YouTube ilikuwa na wazo la kipekee - itakuwaje watayarishi wakipewa sehemu halisi ya mapato wanayochangia? Kwa kuwagawia moja kwa moja watayarishi, wasanii na kampuni za vyombo vya habari zaidi ya nusu ya mapato ya usajili na ya utangazaji, YouTube ilivunja vikwazo vilivyokuwepo vya uchumaji wa mapato. Hatua hii ilimpa mtu yeyote fursa ya kukuza biashara na chapa kwa kuanza kuchuma mapato kwa kubadilisha kile anachopenda kuwa kazi bunifu.
Sehemu ya mapato yaliyosalia huwekezwa tena kwenye YouTube, hali inayohakikisha kuwa watayarishi wanapata kwa urahisi zana bora za utayarishaji, usambazaji na uchumaji wa mapato.
Miaka ishirini baadaye, mfumo wa kipekee wa ugavi wa mapato wa YouTube umesalia kuwa usioweza kulinganishwa na mingine na umesababisha kuibuka kwa mfumo mpya kabisa wa biashara bunifu.
Mfumo wa YouTube pamoja na hadhira yetu ya watazamaji bilioni 2 hupata mapato yanayotoka kwa watangazaji na biashara za usajili.
Asilimia 55 ya mapato huenda moja kwa moja kwa watayarishi, wasanii na kampuni za maudhui kupitia Mpango wa Washirika wa YouTube na ina mchango mkubwa kwenye uchumi kwa ujumla.
Sehemu kubwa ya asilimia 45 iliyosalia huwekezwa tena kwenye biashara ili kuwezesha YouTube iendelee kufanya kazi katika kiwango cha juu zaidi.
Watayarishi, wasanii na kampuni za vyombo vya habari huchuma mapato kupitia Mpango wa Washirika wa YouTube kwenye mfumo.
Mtayarishi akishafikisha wafuatiliaji 500, anatimiza masharti ya kutuma ombi la kujiunga na Mpango wa Washirika wa YouTube. Mtayarishi akishakubaliwa kujiunga na mpango na kufikisha wafuatiliaji 1,000, ataanza kupata asilimia 55 ya mapato ya matangazo yanayoonyeshwa kwenye video zake pamoja na usajili unaolipiwa wa YouTube.
Pia kuna njia nyingine nane* ambazo watayarishi, wasanii na kampuni za vyombo vya habari zinaweza kutumia kuchuma mapato kwenye YouTube – kulingana na kinachofaa biashara na hadhira zao.
Matokeo yake ni mfumo unaostawi wa
zaidi ya watu milioni 3 wanaochuma mapato kupitia
YouTube
Muundo wetu wa biashara unakuza mfumo wa watayarishi unaostawi katika kiwango cha kimataifa na eneo, ukigeuza ubunifu kuwa mapato makubwa kupitia utangazaji, usajili na zaidi.
Duniani kote, kati ya chaneli zilizo kwenye Mpango wa Washirika wa YouTube zilizochuma elfu 10 au zaidi (USD) kwenye YouTube mwaka 2024, zaidi ya asilimia 50 za chaneli zilichuma mapato kutokana na vyanzo vingine kando na matangazo na YouTube Premium.
Chanzo: Data ya Ndani ya YouTube, Januari hadi Desemba 2024
Kulinda mapato ya watayarishi
Ili kuhakikisha kuwa tunalinda mfumo huu unaostawi wa watayarishi, tumeweka sera kadhaa za uchumaji wa mapato ambazo kila mwanachama wa Mpango wa Washirika wa YouTube anapaswa kufuata.
