Toghcháin
Tagann úsáideoirí ar fud na cruinne chuig YouTube chun nuacht agus faisnéis a fháil maidir le toghcháin – ó fhaisnéis iontaofa maidir le vótáil, iarrthóirí agus torthaí toghcháin a aimsiú go rochtain a fháil ar imeachtaí beo a bhaineann le toghcháin – amhail díospóireachtaí agus clúdach imeachta toghcháin.
léim chuig rannán
Toghcháin
An chaoi a gCeanglaíonn YouTube Daoine le hÁbhar Toghchán
Táimid tiomanta do dhaoine a cheangal le hábhar toghcháin atá iontaofa agus do rochtain éasca ar mhórimeachtaí beo toghcháin a chinntiú fós do spriocphobal leathan ar ár n-ardán.
An Chaoi a nOibríonn Polasaithe YouTube maidir le Toghcháin
I bhfianaise nádúr domhanda ár n-ardáin, forbraítear ár bpolasaithe agus córais toghcháin agus cuirtear iad i bhfeidhm le dearcadh domhanda – cuirtear ár dTreoirlínte Pobail i bhfeidhm ar fud teangacha agus logchaighdeán, agus ceanglaíonn ár gcórais vótálaithe ar fud na dtíortha ar fad ina n-oibrímid le nuacht agus faisnéis ardchaighdeáin maidir leis na toghcháin is ábhartha dóibh.
Nuair a chuardaíonn úsáideoirí ábhar toghchán ar YouTube nó nuair a fhéachann siad air, cuireann ár gcóras moltaí ábhar ardchaighdeáin ar fáil go soiléir i dtorthaí cuardaigh, ar an leathanach baile agus sa phainéal "Físeáin a Mholtar". Ar an gcaoi sin, ceanglaítear vótálaithe le hábhar ardchaighdeáin ó fhoinsí éagsúla nuachta. Ina theannta sin, chun rochtain ar ábhar beo a bhaineann le toghcháin a leathnú, is féidir go mbeidh beoshruthanna de mhórimeachtaí beo a bhaineann le toghcháin – amhail díospóireachtaí agus clúdach imeachtaí toghcháin – le feiceáil ar do leathanach baile nó ag barr do thorthaí cuardaigh nuair a chuardóidh tú le haghaidh físeáin a bhaineann le himeachtaí beo i dtoghcháin náisiúnta áirithe.
Sa bhreis ar ár ngnéithe táirge a bhíonn ar siúl i gcónaí, is féidir go seolfaimid iarrachtaí breise chun faisnéis a thógáil le linn príomhimeachtaí cathartha agus toghcháin. Seo an chuma a d'fhéadfadh a bheith orthu sa táirge le linn timthriall toghcháin:
Is féidir go dtaispeánfar painéil faisnéise iarrthóirí ag barr do thorthaí cuardaigh nuair a chuardóidh tú ainmneacha iarrthóirí atá incháilithe. Aibhsítear sna painéil sin faisnéis maidir leis na hiarrthóirí, amhail a bpáirtí polaitíochta agus an oifig a bhfuil siad ag seasamh di sa toghchán. Maidir le roinnt toghchán, is féidir go dtaispeánfar painéil faisnéise chomh maith nuair a chuardóidh tú páirtithe polaitíochta atá incháilithe.
Is féidir go dtaispeánfar painéil faisnéise vótála ag barr do thorthaí cuardaigh nuair a chuardóidh tú faisnéis maidir leis an gcaoi chun vótáil. Chun cabhrú leat tuilleadh faisnéise a fháil maidir le faisnéis vótála ar leith, treoróidh na painéil sin thú chuig faisnéis vótála i gCuardach Google a bhailítear ó fhoinsí neamhpháirtíneacha tríú páirtí a ndéantar grinnfhiosrúchán orthu nó nascfar thú go díreach leis na foinsí sin.
Is féidir go dtaispeánfar painéil faisnéise toghcháin ag barr do thorthaí cuardaigh nuair a chuardóidh tú físeáin a bhaineann le toghcháin náisiúnta ar leith. Is féidir go dtaispeánfar na painéil sin chomh maith thíos faoi fhíseáin ina bpléitear toghcháin náisiúnta ar leith. Is féidir go mbeidh nasc sna painéil faisnéise amach chuig foinsí neamhpháirtíneacha tríú páirtí.
Coiscimid ábhar a bhfuil sé mar aidhm aige vótálaithe a chur ar míthreoir maidir leis an am, leis an áit, leis an gcaoi nó leis na ceanglais incháilitheachta le haghaidh vótála, nó maíomh bréagach a d'fhéadfadh an vótáil a dhíspreagadh go hábhartha.
Ní cheadaítear ábhar a bhfuil sé mar aidhm aige duine nó cainéal a phearsanú, amhail iarrthóir polaitiúil nó a p(h)áirtí polaitiúil.
Coiscimid ábhar a thacaíonn le maíomh bréagach maidir leis na ceanglais incháilitheachta theicniúla d'iarrthóirí polaitiúla reatha agus d'oifigigh rialtais thofa reatha chun dul i mbun oifige. Bíonn na ceanglais incháilitheachta a mheastar bunaithe ar an dlí náisiúnta is infheidhme agus áirítear leo aois, saoránacht nó stádas beatha.
Ní cheadaítear ar YouTube ábhar a spreagann daoine eile chun cur isteach ar phróisis dhaonlathacha, agus áirítear leis sin bac a chur ar nósanna imeachta vótála nó cur isteach orthu.
Ní cheadaítear ar YouTube ábhar a ionramháladh go teicniúil nó a ndearnadh dochtúireacht air ar bhealach atá mar bhonn le húsáideoirí a chur ar míthreoir (sa bhreis ar ghearrthóga a úsáidtear sa chomhthéacs mícheart de ghnáth) agus a d'fhéadfadh baol tromchúiseach de dhochar uafásach a chruthú.
Aithnímid chomh maith go bhfuil gá le cothromaíocht chúramach i gcás ábhar atá dírithe ar thoghcháin, ag cinntiú go dtugaimid deis chun plé polaitiúil láidir a dhéanamh, agus mar gheall air sin d'fhéadfadh sé in amanna go mbeadh cead ag ábhar a sháródh ár bpolasaithe de ghnáth fanacht ar YouTube má tá comhthéacs Oideachasúil, Faisnéiseach, Eolaíoch nó Ealaíonta (EDSA) ann.
I gcásanna áirithe, is féidir go ndéanfaimid eisceachtaí EDSA bunaithe ar spéis ón bpobal. Is féidir go n-áireofaí leis sin, mar shampla, ábhar amhail iarrthóirí polaitiúla náisiúnta i mbun toghchánaíochta.
De réir mar a éiríonn IS níos sofaisticiúla, is féidir go mbeidh sé dúshlánach do bhreathnóirí idirdhealú a dhéanamh idir fíorábhar agus ábhar sintéiseach.
Bainimid úsáid as lipéid a léiríonn ábhar toghcháin athraithe nó sintéiseach go soiléir. Le haghaidh toghchán, taispeántar an lipéad sin sa seinnteoir físeáin agus sa chur síos araon – agus taispeántar é, beag beann ar an gcruthaitheoir, ar na dearcthaí polaitiúla nó ar an teanga.
An Chaoi a mBainistíonn YouTube Brath Luath
Oibrímid chun ábhar a sháraíonn ár bpolasaithe a bhaint chomh luath agus is féidir trí fhanacht chun tosaigh ar fhadhbanna atá ag teacht chun cinn sula sroicheann siad ár n-ardán nó sula mbíonn siad le feiceáil go forleathan ar ár n-ardán. Déanann ár nDeasc Faisnéise monatóireacht ar threochtaí nua a bhaineann le hábhar agus braitheann sé na treochtaí sin, lena n-áirítear ábhar míchuí agus iompraíochtaí achrannacha.
Oibríonn Muinín agus Sábháilteacht YouTube agus Grúpa Anailís ar Bhagairtí Google (TAG) le chéile chun oibríochtaí tionchair comhordaithe a aithint ar YouTube agus a gcuid cainéal agus cuntas a fhoirceannadh – lena n-áirítear haiceáil a bhfuil tacaíocht rialtais aici ar cuspóir léi cur isteach ar phróisis toghcháin. Trí TAG, comhroinnimid faisnéis, dea-chleachtais agus faisnéis maidir le bagairtí le gníomhaireachtaí forfheidhmithe dlí agus le comhpháirtithe tionscail.
An Chaoi a nOibríonn Fógraíocht Pholaitiúil ar YouTube
Oibríonn ár dTreoirlínte Pobail, ár dTreoirlínte maidir le hÁbhar atá Oiriúnach d'Fhógróirí agus ár bPolasaithe Google Ads le chéile chun eispéireas sábháilte agus dearfach a chinntiú dár n-úsáideoirí, dár gcruthaitheoirí agus dár bhfógróirí agus chun an t-ábhar a thaispeántar i bhfógraí ar fud Google a rialú – lena n-áirítear YouTube.
